రజనీ తీరు;-- యామిజాల జగదీశ్

 ఇతరులలో చూడలేని ఓ భిన్నమైన వైఖరి నటుడు రజనీకాంత్ కు ఉంది.
సినిమా షూటింగ్ మధ్యలో అందరూ కూర్చుని సరదాగా కబుర్లు చెప్పుకోవడం మామూలే. ఇటువంటి సందర్భొలలో రజనీకాంత్ కూడా పాల్గొని జోకులు చెప్పి నవ్వడం చేస్తుంటారు. కానీ ఈ మాటలే హద్దుమీరుతున్నాయనుకుంటే అక్కడి నుంచి లేచి వెళ్ళిపోతారు రజనీకాంత్.
ఒకరు లేని చోట వారి గురించి ఇతరులు తక్కువ చేసో లేక వారి గురించి అనవసరపు మాటలు చెప్పుకోవడం మొదలుపెట్టారో ఆయన అక్కడిక ఉండరు. 
కళ్ళు మూసుకుని పడుకున్నట్టుగా కూర్చీలో కూర్చుంటారు. కాస్సేపు వరకూ సహనం పాటిస్తారు, టాపిక్ మారుతుందేమోనని. అప్పటికీ అలాంటి మాటలు మారలేదనుకుంటే అక్కడి నుంచి వెళ్ళిపోతారు ఎక్స్ క్యూజ్ మీ excuse me  అని.
ఎందుకిలా వెళ్ళిపోతుంటారని ఒకరడగగా అందుకు ఆయన కారణం చెప్పారు.
ఒకరు లేని చోట వారి గురించి కించపరచి మాట్లాడినా హేళన చేసినా లేక వారి గురించి అదోలా మాట్లాడినా నాకిష్టం ఉండదు. ఎందుకంటే ఎవరో ఒకరు ఆ మాటలను ఆ వ్యక్తికి చెప్తారు. ఆ మిటలతో సంబంధిత వ్యక్తి మనస్సు ఎంతలా బాధపడుతుందో కదా? అటువంటి మాటలప్పుడు ఎవరెవరు పాలుపంచుకున్నారని ఆ వ్యక్తి అడిగి తెలుసుకుంటారు...వారి మధ్య నేనూ ఉన్నానని తెలిస్తే ఆ వ్యక్తి ఎంతలా బాధపడతారో కదా....కనుక నేను అనవసరపు ముచ్చట్లలో పాల్గొననని రజనీకాంత్ స్పష్టం చేశారు.