* చిత్రకవిత @ ఆహా... ప్రేమాభిమానాలు-- కోరాడ నరసింహా రావు !

  కలల పంటను చూసి.... 

     మురిసిపోతూ.... 

ప్రయోజకుడుకావాలని.... 

    మంచి పేరు తేవాలని... 

     కోటి ఆశలతో.... 

     ఎన్నెన్నో ఊహించుకుంటూ 

       కన్నతల్లి దండ్రులు 

  చెరోచేయీ పట్టుకుని.... 

   ఆనందంతో బడికి.... 

   తీసుకువెళ్లిన రోజులవి... !

ప్రేమానురాగాలమధ్య పెరిగి... 

  ఆ తల్లిదండ్రుల అవిశ్రాన్త శ్రమ తో  అంతటి ప్రయోజకుడై.... 

  తన స్వేచ్చకు, సుఖానికి, అభి వృద్ధికి, అడ్డు అని భావించి.... 

   అనాధాశ్రమాలకు ఆ వృద్ధ దంపతులను సాగనంపుతున్న రోజులివి.... !

.   ఆహా..... మాయమైపోతున్న 

  ప్రేమాభిమానాలు... !!

       ******