కులం!!!?- ప్రతాప్ కౌటిళ్యా

కులం వివాదం కాదు

ఒక వేదం!!?

కులం లేకుంటే

తక్కువ చూపు కాదు

చూపే లేకుండా పోతుంది!!?

కులం జూదం కాదు

యుద్ధంలో ఆయుధం!!

కులం నీ చేతిలో కలం

కులం నీ చేతిలో కత్తి!!

కులం నీకు మరణాన్ని

మరణం తర్వాత జీవితాన్ని ఇస్తుంది!!?

ప్రాణం ఉంటే ఎంత పోతే ఎంత

కులం లేకుంటే

ఏమీ లేకుండా పోతుంది!!?

తల్లిదండ్రులు ఇచ్చిన

ఆస్తిపాస్తులతోపాటు

కులం కూడా ఒకటి!!!

నీతో కోట్లు లేకున్నా

కులం నోట్లో మాట ఉంటే చాలు!!!

ఆకాశానికి నిచ్చెన వేసేది కులం

అవకాశాలను ఇచ్చేది కులం!!

కులం కాలాన్ని ఓడిస్తుంది

కులం ఉంటే మంచి కాలం ఉన్నట్లే!!?

కులం లేని వాళ్లకోసం అంకితం