నేనూ వ్యాపారినే;-- యామిజాల జగదీశ్

 ప్యూన్ పనైనా ఇస్తారాని అడిగాను.
అబ్బే కనీసం పదో తరగతైనా చదివుండాలన్నారు ఓ సంస్థవారు.
వాచ్ మాన్ గా నైనా తీసుకోండి అని అడిగాను.
ఆబ్బే ఎనిమిదో తరగతైనా చదివుండాలన్నారు.
కాఫీ టీ కొట్లో పని కోసం అడిగాను.
అబ్బే అయిదో తరగతైనా చదివుండాలన్నారు.
రాయడం చదవడం తెలీకుంటే రేపు జీతం అందుకున్నప్పుడు ఎలా సంతకం చేస్తావని పొమ్మన్నారు.
దేనికీ పనికిరానని అందరూ ఏదో ఒకటి చెప్పి వెనక్కు పంపేయడంతో ఓ నిర్ణయానికి వచ్చాను.
ఇప్పుడు సొంతంగా వ్యాపారం చేయాలనుకున్నాను. చేస్తున్నాను. బాగానే ఉన్నా....నాకు ఉద్యోగం ఇవ్వడం లేదని పంపించేసిన వారందరికీ కృతజ్ఞతలు. మీరందరూ నన్ను పొమ్మనడంవల్లే ఈరోజు ఇలా హాయిగా వ్యాపారం చేస్తున్నాను. ఇల్లు నడిపిస్తున్నా!! అన్నాడో వ్యాపారి.