ఆరోగ్యమే మహాభాగ్యం; - సి.హెచ్.ప్రతాప్

 ఆరోగ్యమే మహాభాగ్యం.. ఆరోగ్యమే అసలైన సంపద. ఆరోగ్యం అంటే కేవలం శారీరక ఆరోగ్యమే అనే భావన ఇప్పటికీ ఉంది. కానీ మానసిక ఆరోగ్యం కూడా చాలా ముఖ్యం. మనిషి మానసికంగా దృఢంగా ఉన్నప్పుడే శారీరకంగా ఎలాంటి సవాళ్లనైనా ఎదుర్కోగలుగుతాడు. మానసిక అనారోగ్యం.. శారీరక రోగాలకూ దారితీస్తుంది.దీనినే వైద్య పరిభాషలో సైకొసొమాటిక్ డిజార్డర్స్ అని అంటారు. ప్రస్తుత ఉరుకులు పరుగుల యాంత్రిక జీవితంలో ప్రతి ఒక్కరూ రోజూ ఎంతో కొంత ఒత్తిడికి గురవుతున్నారు. పని ప్రదేశంలో కావొచ్చు.. కుటుంబ బాధ్యతల వల్ల కావొచ్చు.. ఆర్థిక కారణాలు కావొచ్చు.. సమస్య ఏదైనా ఒత్తిడి కారణంగా ఇటీవల కాలంలో మానసికంగా కుంగిపోతున్న వారి సంఖ్య క్రమంగా పెరుగుతోంది.  ఈ మానసిక అనారోగ్యం పెక్కు శారీరక అనారోగ్యాలకు కూదా కారనభూతమవుతొంది.ఈ నేపథ్యంలో జీవితంలో ఎదురయ్యే మానసిక అనారోగ్యం, ఒత్తిడి, ఆర్థిక, సాంకేతిక సమస్యలను అధిగమించి ప్రతి ఒక్కరూ వారి రంగాల్లో ఉన్నత శిఖరాలను అధిరోహించడమే లక్ష్యంగా తమ జీవన విధానాన్ని ప్లాన్ చేసుకోవడం ఎంతో అవసరం.
మానవుల ‘జిహ్వ’ చాపల్యం అటువంటి అమూల్యమైన ఐశ్వర్యాన్ని మనకి అందకుండా చేస్తుంది. ఆరోగ్యంగా వుండడానికి ‘ఆహారం’ ఎంత ముఖ్యమో- అదే ‘ఆరోగ్యం’ పాడయిపోవడానికి దోహదపడేది కూడా అసంతులిత ఆహారమే! మన శరీరానికి అవసరమయ్యే విటమిన్లు, ఖనిజాలు- తదితర పోషకాల గురించి సరి అయిన అవగాహనతో ఆహార పదార్థాల సేవనం సమతౌల్యంగా అందించ గలిగితే ఆరోగ్య మహాభాగ్యాన్ని అందుకోవడం అసాధ్యమేమీ కాదు.
మంచి ఆరోగ్యం ఒత్తిడి స్థాయిని తగ్గిస్తుంది మరియు ఎటువంటి బాధలు లేకుండా ఆరోగ్యకరమైన జీవితాన్ని ప్రోత్సహిస్తుంది. మనం ఎల్లప్పుడూ మన ఆరోగ్యం గురించి అవగాహన కలిగి ఉండాలి మరియు రెగ్యులర్ హెల్త్ చెకప్ కోసం వెళ్లాలి. ఆరోగ్యాన్ని కాపాడుకోవడానికి మనం సకాలంలో తాజా పండ్లు, సలాడ్, ఆకుకూరలు, పాలు, గుడ్డు, దాహీ మొదలైన వాటితో కూడిన సమతుల్య ఆహారం తీసుకోవాలి. మంచి ఆరోగ్యానికి రోజువారీ శారీరక శ్రమలు, సరైన విశ్రాంతి మరియు నిద్ర, శుభ్రత, ఆరోగ్యకరమైన వాతావరణం, స్వచ్ఛమైన గాలి మరియు నీరు, వ్యక్తిగత పరిశుభ్రత మొదలైనవి అవసరం. మంచి ఆరోగ్యాన్ని కాపాడుకోవడం అనేది ఆసుపత్రి మరియు ఇంటి మధ్య మన రద్దీని తగ్గించడానికి మంచి ఆలోచన. ఆరోగ్యాన్ని కాపాడుకోవడం అనేది ఒక మంచి అలవాటు, దీనిని చిన్నప్పటి నుండి తల్లిదండ్రుల సహాయంతో అలవర్చుకోవాలి.