* హాయిగా... అనుభవించు ! *;- కోరాడ నరసింహా రావు.

సుఖ,సంతోషానందానుభవాలకోసమే... 

    మనిషి తాపత్రయమంతా !

ఇందుకోసమే... ఈ మనిషి 

   నిరంతరాన్వేషణ... !!

జ్ఞానాన్ని వికసింపజేసుకుని.... 

  విజ్ఞానపువినూత్న

                  ఆవిష్కరణలతో 

  ప్రగతి రథమెక్కి పరుగులుతీస్తూ... 

    సముద్రాలను శోధించి... 

  అంతరిక్షాన్ని ఛేదించి.... 

   ఈ వామనుడు త్రివిక్రమునిగా మారినా.... 

     ఇంకా ఏదో వెలితి.... !

ఇంత పొందినా.... తీరని కోరికలు... 

    నెరవేరని ఆశలు... !

పూర్తిగా ఆవహించిన అవివేకం 

   అన్యాయాలు - అక్రమాలు... 

   కక్షలు.... కార్పణ్యాలు.... 

   అశాంతి.... ఆందోళన... !

ఇంక  ఈమనిషికి... సుఖమెక్కడ !?

   సంతోషమేదీ.... ?!

ఓ మనిషీ.... !

   ఎలా మొదలయ్యావ్..., 

     చివరికేస్థితికి చురుకున్నావ్ 

ఆలోచించు...... 

   సావధాన చిత్తుడవై.... !

. గ్రహించు సత్యాన్ని.... !!

   నీవాసించిన నిజ సుఖ, సౌఖ్యానందాలను.... 

    అందరితో కలసి... 

  హాయిగా అనుభవించు !!

       **&***