* కోరాడ అష్టాక్షరీ గీతాలు *

 స్వార్ధము విడ నాడాలి
 త్యాగివి నువ్ కావాలి
 ప్రేమయు సేవలతో నే
 ప్రపంచాన్ని గెలవాలి...! 
  ******
నోరు మంచి దై నపుడే
 ఊరు మంచి దవునురా
 స్నేహ శీలతతో  నువ్
 ప్రపంచాన్ని గెలవాలి...! 
     *****"
ఉదారతను చూపించు
 నీకున్నది కొంత పంచు
 మంచితనముతో నీవు
 ప్రపంచాన్ని గెలవాలి...! 
      ******
శతృత్వమువిడ నాడు
పగ,ప్రతీ కారం వద్దు
 సోదర భావము తోనే
 ప్రపంచాన్ని గెల వాలి..! 
     ******
పరస్త్రీల వ్యామోహము
పర ధనాప హరణం
 తలపున రానీయక
 ప్రపంచాన్ని గెలవాలి..! 
   ******
నేను, నాదను తలపు
 మనసున తొలగించు
 మనము, మనదంటూ
 ప్రపంచాన్ని గెల వాలి..! 
    *****