శ్రీ విష్ణు సహస్రనామాలు ; -ఎం. వి. ఉమాదేవి

(బాల పంచపది 

=======================

21)నారసింహ వపుః -

ప్రహ్లాద రక్షకుడగుటకు గాను 

శ్రీనారసింహము తానయ్యెను

అవతారచంద్రికవెలయించెను

ఆత్మనిర్భరము కలిగించెను 

శ్రీ విష్ణు సహస్రనామాలు ఉమా!

22)శ్రీమాన్ -

రమణీయరూపము గలవాడు

శ్రీనారసింహమై వెలసినవాడు

వక్షస్థలమున లక్ష్మిగలవాడు

శ్రీమాన్ మహావిష్ణువైనాడు 

శ్రీ విష్ణు సహస్రనామాలు!ఉమా!

23)కేశవః -

సుందరమైన కేశములవాడు

కేశి రాక్షస సంహారకుడు

త్రిమూర్తులరూపం తానైనవాడు

వాసుదేవ చైతన్యoగలవాడు

శ్రీ విష్ణు సహస్ర నామాలు ఉమా!

24)పురుషోత్తమః -

పురుషులలో సర్వోత్తముడు

బద్ధనిత్యముక్తులలో ఘనుడు

క్షర అక్షరులకు అతీతుడు

ఇద్దరికంటెను ఉన్నతుడు 

శ్రీ విష్ణు సహస్ర నామాలు ఉమా!

25)సర్వః -

సర్వమూ తానే అయినవాడు

సృష్టియంతటికి కారకుడు

స్థితి స్థాపకతయున్నవాడు

లయించుటకునూ కారకుడు

శ్రీ విష్ణు సహస్రనామాలు ఉమా!