శ్రీ విష్ణు సహస్రనామాలు (బాల పంచపది -ఎం. వి. ఉమాదేవి

26)శర్వః -

సకలపాపాలు హరించువాడు

జీవులదుఃఖములు తీర్చువాడు

అనిష్టములను తొలగించువాడు

ప్రళయమున కాపాడగలవాడు!

శ్రీ విష్ణు సహస్రనామాలు ఉమా!

27)శివః -

మంగళములను ఒసగువాడు

శుభములను అందించు వాడు

అందరికినీ భక్తసులభుడు 

నిత్యతపమును చేయువాడు 

శ్రీ విష్ణు సహస్రనామాలు!ఉమా!

28)స్థాణుః -

సుస్థిరమైనట్టి దివ్యతముడు

భక్తులను అనుగ్రహించువాడు

నిశ్చయముగా కామ్యమిచ్చువాడు

వృద్ధిక్షయముల బడనివాడు 

శ్రీ విష్ణు సహస్ర నామాలు ఉమా!

29)-భూతాదిః -

సకలభూతముల మూలకుడు

సర్వలోకములకు కారకుడు

భూతప్రకృతిన వందితుడు 

పంచభూతాల కారకుండు 

శ్రీ విష్ణు సహస్ర నామాలు ఉమా!

30)నిధరవ్యయః -

తరగని పెన్నిధియైనవాడు 

ప్రళయమున రక్షించువాడు 

లోకాన్ని భద్రపరుచువాడు

ప్రాణకోటిని పరికించువాడు 

శ్రీ విష్ణు సహస్రనామాలు ఉమా!