తిరుప్పావై ; - వరలక్ష్మి యనమండ్ర-అద్దంకి, బాపట్ల జిల్లా

18వ పాశురము, 

**********

ఉన్దు మదకళిత్త నోడాద తోళ్ వలియన్ నన్దగోపాలన్ మరుమగళే! నప్పిన్నాయ్! కన్దమ్ కమళుమ్ కుళలీ! కడై తిఱవాయ్; వన్దెఙ్గమ్ కోళియళైత్తగాణ్; మాదవి ప్పన్దల్ మేల్ పల్ కాల్ కుయిలినఙ్గళ్ కూవినగాణ్; పన్దార్ విరలి! ఉన్ మైత్తునన్ పేర్ పాడ, చ్చెన్దామరైక్కెయాల్ శీరార్ వళైయొలిప్ప వన్దు తిఱవాయ్ మగిళ్ న్దు ఏలో రెమ్బావాయ్,

***********

  భావము.....పంచపదులలో

***********

18 వ పాశురము భావము

చక్కగ  నీవు పాటలు పాడేవు

అందముగా నీవు నడిచెదవు

నీ నడకలు నెమళ్ళకు నేర్పెదవు

నీ పాటలు కోయిలలకు నేర్పెదవు

నువు గడసరి దానవు ఓ నీలమ్మా... కృష్ణా

లోకపావనిని కాచే దానవు నీలమ్మా

నందగోపునీ కోడలివమ్మా ఓ నీలమ్మ

మామ కీర్తికీ పొంగేదానా ఓ నీలమ్మ

జగతిని బంతిని చేసిన దానా నీలమ్మా

ప్రభువును కొలువగ వచ్చితిమమ్మా... కృష్ణా

‌స్వామితో ఆటలు ఆడే ఓ నీలమ్మా

నీ రక్షణలో స్వామిని ఉంచిన నీలమ్మా

స్నానవ్రతమును చేయగవస్తిమి నీలవేణీ

నీ కర కంకణ శబ్దముల తోటి ఓ నీలవేణీ

వేగమె తలుపును తీయుమా ఓ నీలవేణీ... కృష్ణా 

నల్లని చక్కని కురులున్నదానా నీలమ్మా

శ్రీరాముడెంతో ఆదర్శ వంతుడు నీలమ్మా

శ్రీకృష్ణుడెంతో తేజోవంతుడుగ ఓ నీలమ్మా

కొక్కొరొకో యని కోళ్ళుకూసెను నీలమ్మా

నిద్దుర వీడీ తలుపు తీయుమా నీలమ్మా.. కృష్ణా

**********