శ్రీ విష్ణు సహస్రనామాలు (బాల పంచపది )- ఎం. వి. ఉమాదేవి

41)మహాస్వనః -

దివ్యనాదము స్వరూపుడు 

గంభీరమైతోచు దివ్యుడు

వేదములకు ప్రమాణమైనవాడు

మహాస్వన నామమున్నవాడు 

శ్రీ విష్ణు సహస్రనామాలు ఉమా!

42)అనాది విధనః -

ఆదిఅనునది లేనట్టివాడు

అంతమే ఎరుగనట్టివాడు

నిధనము లేకుండువాడు

నాశనమెరుగని నిత్యాత్ముడు 

శ్రీ విష్ణు సహస్రనామాలు!ఉమా!

43)ధాతాః -

బ్రహ్మదేవునికి జనకుడు 

నామరూపాత్మకుడైనవాడు

చరాచర విశ్వ ధారకుడు

స్వామి తానే మహనీయుడు

శ్రీ విష్ణు సహస్ర నామాలు ఉమా!

44)విధాతా -

బ్రహ్మను సృజంచినవాడు

తగురీతి కర్మఫలమిచ్చువాడు

విశ్వమునే ఆజ్ఞాపించువాడు

సర్వప్రకృతికి ఆదేశపరుడు

శ్రీ విష్ణు సహస్ర నామాలు ఉమా!

45)ధాతురుత్తమః -

బ్రహ్మకన్ననూ మహాశ్రేష్ఠుడు 

సర్వదేవతలకునూ ముఖ్యుడు

సమస్త ధాతువుల్లో ఉన్నవాడు

ప్రధానముగాను నిలుచువాడు 

శ్రీ విష్ణు సహస్రనామాలు ఉమా!