శ్రీ విష్ణు సహస్రనామాలు (బాల పంచపది )ఎం. వి. ఉమాదేవి
931)పర్యవస్థితః -
===============
అన్నివైపులా వ్యాపించియున్నవాడు 
అందరిలోనూ ఇమిడియున్నవాడు 
సర్వత్రా కలిగియున్నవాడు 
పర్యవస్థితమై నిల్చినవాడు 
శ్రీ విష్ణుసహస్ర నామాలు ఉమా!
932)అనంతరూపః -

అనంతరూపములు గలవాడు 
అవతారములు ధరించినవాడు 
ప్రతిరూపములు గలిగినవాడు 
అనంతరూప నామమున్నవాడు 
శ్రీ విష్ణు సహస్ర నామాలు ఉమా!
933)అనంతశ్రీః -

అంతమనునది లేనట్టివాడు 
శక్తివంతునిగా నుండినవాడు 
అనంతసిరులు ఇచ్చునట్టివాడు 
భక్తులనాదరించగలవాడు 
శ్రీవిష్ణు సహస్రనామాలు ఉమా!
934)జితమన్యుః -

క్రోధమును ఎరుగనట్టివాడు 
కార్పణ్యములు చూపనివాడు 
ద్వేషభావములు అంటనివాడు 
జితమన్యుయను నామధేయుడు 
శ్రీ విష్ణు సహస్ర నామాలు ఉమా!
935)భయాపహః -

భయనివారణ చేయుచున్నవాడు 
అండదండలుగా నిలుచున్నవాడు 
కృపాకటాక్షణముల చూపువాడు 
ధైర్యమును ప్రసాదించునట్టివాడు 
శ్రీవిష్ణు సహస్రనామాలు ఉమా!

(సశేషం )

కామెంట్‌లు