విజయపథం;- అంకాల సోమయ్య-దేవరుప్పుల-జనగాం-9640748497

పల్లవి

ఆశ విడువకు అధైర్య పడకు 

బ్రతుకడమంటే --పోరాటం

నిత్యం జీవన గమనంలో

గెలుపోటములు సహజం --సహజం-2//

1)చరణం

శ్రీమంతులుకాదుగదా 

మనలనుగన్న తల్లిదండ్రులు

చదువులమ్మకు లేవుగదా

ధనిక పేద భేద భావాలు

పడుతూ లేస్తూ పరుగెత్తడమే

అంతిమ విజయ లక్ష్యం

వేదన యాతనలెన్నున్నా

పట్టుదల విడవొద్దన్నా..  //

2)చరణం

పేదరికం వెంటాడుతువుంటే నీరుగారిపోకు

నిరాశలెన్నో ఎదురైనా

అధిగమించడం నీ వంతు

నిత్యం జ్వలించే ఆశయాలతో

నీ బ్రతుకును నీవే వెలిగించు

విజయం పొందిన అనుభవాలను

అందరికి నువు  అందించు  //

3)చరణం

ఉద్వేగం కలుగుతు వుంటే 

ఉద్రేకం అదుపున వుంటే

ఓరిమి కూరిమి నీకు బలం

 లేమికి పలుకుదాం చరమ గీతం

నీ బ్రతుకును నువ్వే గెలిపించు

నవ సమాజం నువ్వే నిర్మించు