సుప్రభాత కవిత; -బృంద
నీవొచ్చే దారిలో
పువ్వుల నవ్వులెందుకో!
నిను చూసిన సంబరాన
కొమ్మల ఊయల ఊగెనందుకే!

నీ రాక తో నీలాల నింగి 
రంగులు మార్చెనెందుకో?
బంగరుకాంతులు నిండిన
వెలుగుల తడిసేనందుకే!

నీ రాకను చెప్పాలని
తూరుపు కొండల తొందరెందుకో?
చేతుల మధ్య నిన్నెత్తుకుని
జగతికి చూపేనందుకే!

నిన్ను చూసిన సంబరాన
గువ్వల మందల కువకువలేమిటో?
నీవు వస్తున్న కబురు జగతికి
చేరవేసే తొందర అందుకే!

నిదరోయిన అడవి మేలుకుని
నిగనిగమెరిసేనెందుకో?
వెలుగురేఖలు నిలువునా
తాకి క్షేమ మడిగేనందుకేమో!


ప్రత్యూష సమయాన
ప్రభవించు సోయగాలు
పరికించు మనసులకే
ప్రత్యేక అనుభూతులు!

రమణీయమైన వేకువకు

🌸🌸 సుప్రభాతం🌸🌸

కామెంట్‌లు