జ్ఞాన నిలయం.:- డా పివిఎల్ సుబ్బారావు,-9441058797.

గ్రంథాలయవారోత్సవాలు. (నవంబర్ 14- 20)శుభాకాంక్షలతో!

=============================================

 1.

నిరంతర గ్రంధాలయోద్యమ, ఉత్సాహ ఉత్సవము! 

గాడిచెర్ల ఉద్యమాంకితుల,

 స్మరించే తరుణము!

చదువు వాసక తపస్సు, తపోప్రదేశం గ్రంథాలయము! 

తపః ఫలము నిత్యం ,

విజ్ఞాన సముపార్జనము!

జ్ఞాన నిలయ ప్రవేశం, 

జ్ఞానాభివృద్ధి శ్రీకారము! 

2.

చదివినవాడు విజ్జుడు ,

చదవని వాడు అజ్జుడు! 

పఠనాసక్తి పెంచుకునేవాడు, జీవితాన రసజ్ఞుడు! 

పుస్తకాలు కొని చదవలేని ,

వారికి గ్రంథాలయమే దాత! 

గ్రంధాలయ సముచిత పాత్ర, యువతి యువకుల భవిత! 

గ్రామాన వెలిసే గ్రంథాలయం, సర్వమతాల దేవాలయము! 

3.

మొదటిదినం బాలల, దినోత్సవం ముదావహం !

నేటి బాలలే రేపటి పౌరులు , గ్రంథాలయ ఆశయము! 

బాల్యాన చదివే అలవాటు వ్యక్తిత్వ వికాసానికి రూటు! 

ఏడు రోజుల ఉత్సవాలు,

ఏడు రంగుల హరివిల్లు! 

జ్ఞానసప్తస్వరాలై మన ఎద,

ఆనందాలు వెదజల్లు! 

_________