మన దీపావళి;- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

దివ్యమైన దీపావళి

నవ్యమైన రూపావళి

మన ముందుకు వచ్చింది

ఘన విందును ఇచ్చింది.  !

ఈ దీపావళి నచ్చింది

ఓ శుభావళి హెచ్చింది

ఆ తిమిరావళి సచ్చింది

వెలుగు వెన్నెల వచ్చింది !

వెలుగు జిలుగుల ఈ దీపావళి

తళుకు బెళుకుల ఆ తారవళి

ముస్తాబై మన ఇంటికి వచ్చింది

వస్తాదై ఇక మన కంటికి నచ్చింది !

ఘనమైన మన ఈదీపావళి

జన సాంప్రదాయ రూపావళి

వస్తున్నది మరి మస్తున్నది

వేడుక వెలుగుల దీపిస్తున్నది !

అది అనురాగాలతో స్పందిస్తూ

ఆనందాలను మనకు అందిస్తూ

పరుగున సరుగున వస్తూనే ఉంది

ముదమును మనకు కల్గిస్తానంది.!

తరతరాల ఈ దీపావళి

తరళి తానిక వచ్చింది

తార తోరణాల గుచ్చింది

తీరా కారణాల మెచ్చింది .!

ప్రమిదల వత్తులు వేస్తూ

ప్రస్తుత దీపాల వెలిగిస్తూ

మన దీపావళి ప్రవేశిస్తుంది

ఘన పాపావళి నశిస్తుంది !

వచ్చిన నచ్చిన మన దీపావళి

అందరు మెచ్చిన ఘన శోభావళి

విందు వినోదాలను అందిస్తుంది

అందులో తానెంతో ఆనందిస్తుంది!