కొంచెం భరోసా!!:- -గద్వాల సోమన్న,-9966414580

మంచి చెపితే మారిపోతాను

వెలుగు దారిలో నడిచిపోతాను

నైతిక విలువలు ప్రబోధిస్తే

జ్యోతి రీతిలో వెలిగిపోతాను

కొంచెం నమ్మకం నాకిస్తే

కొండలు పిండి పిండి చేసేస్తాను

నింగిని చాపలా చుట్టేస్తాను

చుక్కలన్నీ  కోసుకొస్తాను

గుండెలో ధైర్యాన్ని నింపితే

సాహస పనులెన్నొ తలపెడుతాను

రికార్డులను బద్దలుకొడుతాను

చరిత్రను తిరిగి రాసేస్తాను

కాసింత ఆదర్శం చూపిస్తే

మహనీయున్ని నేనౌతాను

చిటికెడంత నాకు స్ఫూర్తినిస్తే

ఆకాశాన్ని అందుకొంటాను