హైదరాబాద్ బుక్ ఫెయిర్ -2024 (పుస్తకోత్సవం):- అంకాల సోమయ్య-దేవరుప్పుల- జనగామ-9640748497

రండి మిత్రులారా రండి

పుస్తకోత్సవానికి

జ్ఞానమస్తకోత్సవానికి

పరుగుపరుగునా పోదాం రండి

బుక్స్ కల్చర్ పెంపొందించేందుకు

లుక్స్ కల్చర్ దశలవారీగా

కొంతైనా దూరం చేసుకోవడానికి

బ్లూ స్క్రీన్ కు అలవాటు పడ్డమన కళ్ళ మసకలు

దూరం కావడానికి

కంటికి వ్యాయామం చేకూర్చడానికి 

పుస్తకాన్ని మించిన ఉపకరణం మరొకటి లేదని ముక్తకంఠంతో ఎలుగెత్తి చాటుదాం రండి

రండి మిత్రులారా రండి

ఆలసించిన ఆశాభంగం

మంచితరుణమిది

మించిన దొరకదు

బాలసాహిత్యం

ఫ్రౌఢసాహిత్యం

పద్య ,వచన, గేయ కవులతో పాటు 

విజ్ఞాన శాస్త్రాలు చరిత్ర గ్రంథాలతో

అలరారే 

సాహితీ భాండాగారమిది

రండి మిత్రులారా రండి

పుస్తకం హస్తభూషణమేకాదు

పుస్తకం మస్తకభూషణంకూడా

ఉద్యోగార్థుల అధ్యయనాలు

నవలలు  కథాగ్రంథాలు గల్పికలు

ఎన్నెన్నో గ్రంథాలున్న అంగళ్ళు

పుస్తక ప్రియులకు జ్ఞానామృతనిధి

రండి మిత్రులారా రండి

మన అజ్ఞానాంధకారాన్ని దూరం చేసుకుందాం

జ్ఞానాంజనను దిద్దుకుందాం

(ఈ నెల 19 నుండి29 వరకు హైదరాబాద్ బుక్ ఫెయిర్ నిర్వహణ సందర్భంగా వ్రాయబడిన కవిత )