మా చిరునవ్వుల మిలికమ్మ:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా

చిరునవ్వుల మిలికమ్మా

ఏం చేస్తున్నావు నీవమ్మా ?

చదివే ఇక నీకు సిరియమ్మ

చదువుతునే  ఉండాలమ్మ !

జిలిబిలి పలుకులు నీవమ్మా

అమ్మకు నీవే ముద్దుల కొమ్మ

నవ్వుల వదనం ఇక  నీదమ్మా

ఎప్పుడు నవ్వుతూ ఉండాలమ్మ !

కాలేజీకి నిత్యం పోవాలమ్మా

కాలయాపన ఇక చేయోద్దమ్మ

సత్యమునే నీవు పలకాలమ్మ

అసత్యము అసలే ఆడొద్దమ్మా !

అక్కతో నీవు కలిసుండమ్మా

అక్కలాగ నీవు ఎదగాలమ్మ

నిదానమే నీకు ప్రధానమమ్మ

ఎదిగి ఒదిగి ఇక ఉండాలమ్మా !

పెద్దలు చెప్పేమాట వినవమ్మా

సుద్ధులు తప్పక నీవు కనవమ్మ

వృధ్ధిలోకి నువ్వు రావాలమ్మా

ముద్దుగా ఇక నీవు ఉండాలమ్మ !

బంధుమిత్రులను కలువాలమ్మా

వాయి వరుసలను తెలుపాలమ్మ

అలసి సొలసి ఇక నీవుండొద్దమ్మ

కలసి మెలసి వారితో ఉండాలమ్మ!

నీ బ్రతుకే ధన్యం అవుతుందమ్మా

ఆ ధర్మంపైనే ఇక నీవుండాలమ్మ

ధర్మం అధర్మం తేడాను కనవమ్మ

ఆ ధర్మదేవతను నీవు కొలువమ్మ !

విజయం అప్పుడు నీకు కలుగు

అపజయం వెంటనే ఇక తొలుగు

అప్పుడు గర్వంగా నీవిక మెలుగు

తప్పక నీజీవితాన వెన్నెల వెలుగు!