ఎక్కువ తక్కువ:-గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూలు జిల్లా.

రహదారిపై మనందరం పోతుంటే 

రంతు చేస్తూ రాంకెలేస్తూ జనాన్ని

ముప్పు తిప్పలు పెట్టే వారెక్కువ

మనకు కనిపిస్తారు కసిరిస్తారు !

సహజత్వం కలిగి సహనంతో వెలిగి

సానుకూలంగా అనుకూలంగా

మెలిగి

సహాయ సహకారాలు అందించేవారు

చాలా తక్కువగా మనకు కనిపిస్తారు

రహదారిలో  వచ్చిపోయే వాహనాల రద్దీ

అందులో ప్రయాణించే వివిధ 

వ్యక్తుల బుద్ది

గమనిస్తే ఆభయం అందక భయమేస్తుంది

ఒక్కోసారి మనమే నయమనిపిస్తుంది !

రహదారిలో సంభవించే ప్రమాదాలు

ప్రయాణించే వారిలో కొందరికి ప్రమోదాలు

మరికొందరికి ఏమో భరించలేని ప్రమాదాలు

ఇవి ఎక్కువ తక్కువగా జరిగే తప్పిదాలు !

జరిగే ఒరిగే ఈ పెను తప్పిదాలలో

మనకు

ఎక్కువో తక్కువో భాగం నీకు లేదనకు

అలా భావిస్తే నీ బాధ్యతను తీర్చు కొనుటకు

యత్నించు ప్రయత్నించు లోకానికి తెలుపుటకు !

అలా అందరం ఎప్పుడు ఎల్లప్పుడూ

భావించి బాధ్యతను తలంచి నీవు ఉన్నప్పుడు

ఎక్కువ తక్కువ అన్న ప్రమాదాలు ఉండవప్పుడు

ప్రమాదాలు పోయి ప్రమోదాలు వచ్చునప్పుడు  !