కాలాన్ని పగ్గమేసిలాగలేము:- అంకాల సోమయ్య-దేవరుప్పుల- జనగామ-9640748497

ఎన్నెన్నో సంవత్సరాలు

కనుమరుగై పోయాయి

చేయవలసిన వ్యాపకాలు

నెరవేర్చుకోవడానికి

ఆశలు ఆకాంక్షలు

ఎన్నో మిగిలే ఉన్నాయి

 ఇంకా రేపు మాపు అంటే

అసలు మానవుని

సగటు ఆయుర్దాయం

75 ఏళ్లు అనుకున్నా

అందులో నలభై ఏళ్లు

 ఎప్పుడో

ఆళ్లక్రిందేదాటేసాము.

చక్కదిద్దేందుకోవలసినది

ఎంతో ఉంది.

మన పిల్లల భవితవ్యం

సామాజిక హోదాకై

ఆత్మగౌరవానికై

ఓ ఇంటి నిర్మాణం.

పండుగ పబ్బాలు

చుట్టరికాలు చేసే సమయం లేదు,

ఊపిరిసలపనీయని

పనిలో ఉండాలన్న

ఉత్సుకత వద్దే వద్దు.

అలా అని ఆయా పనులు 

వాయిదా వేయోద్దు.

మహా అయితే ఇంకో ముప్ఫై సంవత్సరాలు,

ఏ రోగం నొప్పి లేకుంటే జీవిస్తావేమో!?

నీఒంట్లో 

యే బిపి నో ,

యే షుగర్ రో జొచ్చెనా

ముందే టపాకట్టేస్తావు.

అందుకే 

నీవైన

కొన్ని అనుభూతులు,

కొన్ని అనుభవాలు,

నీవాళ్ళకు

నీ చుట్టూత ఉన్నాసమాజానికి

వదిలి వెళ్ళు.

అంతే కానీ 

నీ బ్రతుకు పోస్ట్ చేసాము

అడ్రస్ తప్పువ్రాసాము

అన్నట్టు జీవించకు.

లే !

మేలుకో!!

నేడే శుభదినం

నీలాగా నువ్వు ఉండడానికి

నువ్వు పూనుకో

సమాజానికి 

నీవైన ఆనవాలు

కొన్ని మిగల్చు పదపదా!?