మానాన్న:- అంకాల సోమయ్య-దేవరుప్పుల-జనగామ-9640748497

నా తనువు అణువణువూ

నాన్న భిక్షే 

తనుపెంచి పోషించినదే

నాన్న తను చూడని ప్రపంచాన్ని నేను చూడాలని

తన ఆశను నా శ్వాసగా మలచి

నేను సాధించిన విజయాలు

తను సాధించినట్లుగా

తాదాత్మ్యం చెందే త్యాగశీలి మానాన్న

నా జీవననౌకకు చుక్కానితాను

తానెన్ని అవమానాలు అవహేళనలు పడ్డా

పైకి గంభీరంగా కనిపించే

సాహసి

మానాన్న

తన రెప్పలపాటు ఉప్పొంగే బాధను

ఒంటరై ఎంత మథనపడ్డాడో

మా నాన్న

నాకై కరిగే క్రొవ్వొత్తిలా

ఆశలు ఆకాంక్షలు అన్ని

నాకై తాను కని

నా విజయపరంపర చూసి

ఒంటరై ఆనందించే

అనామకుడు మానాన్న

మా నాన్న కు

నేనేమివ్వగలను

తాను ఇచ్చిన ఈ ప్రాణాన్ని

ఈ దేహాన్ని ఇవ్వమంటే

ఈ క్షణమే ఇచ్చేస్తాను

నాలో స్వార్థపు రక్కసి జడలు విప్పక ముందే నాన్న

ఋణం తీర్చుకోవాలి

 నాన్న నా రియల్ హీరో

నాన్న నా ప్రతీ గెలుపులో

ప్రతీ మలుపులో ఉన్న ఒకే ఒక్కడు

నా మేరుపర్వతం మా నాన్న