తెలియక నడక సైకిల్:- డా.టి.రాధాకృష్ణమాచార్యులు-9849305871

అన్నీ తెలియకనే బతుకున

నడకల దారి బాటసారి

పుట్టుక కూడా అంతే 

అడుగు తడబాటు బాల్యానికి

తెలియక నడకల సైకిల్

పడి ముద్దాడే నేల

రక్తచారల గాయం పసిప్రాయం నొప్పి

పెడల్ తొక్కడం 

మాట కాదు 

నరంలేని నాలుక తిప్పేంత ఈజీ కాదు

రెండు గిర్రల నడుమ ఇరుసు

ఒడుపుగ తొక్కే కాళ్ళకే తెలియదు

ఊగాతో తిరిగే చక్రాల గొలుసు ఓపిక

కోరిక తీరేదాకా తిప్పు నమ్మకంగా మట్టి

కానీ

అంతులేని ఆశ 

నడిచే పాదాల పడేసేవరకు 

తెలియక నడక తెలిసి దుఃఖం వైపు