వాస్తవాల వీచికలు:- -గద్వాల సోమన్న,-9966414580

స్థిరము లేని మనసులు

అదుపు లేని బ్రతుకులు

అభివృద్ధికి దూరము

పుడమికి కడు భారము

గుండెలోని కలతలు

శృతిమించిన కక్షలు

మనశ్శాంతి తరుమును

బంధాలను చెరుపును

హద్దు లేని ఆశలు

గగనమంత వాంఛలు

తెచ్చిపెట్టు ఇడుములు

చేయు బ్రతుకు ముక్కలు

కఠినమైన పలుకులు

గుండెకవే మేకులు

హృదయాలను నలపును

గాయాలే రేపును

బాధ్యత గల వ్యక్తులు

దేశానికి శక్తులు

అట్టి వారు నిజముగా

గౌరవానికర్హులు

సరిహద్దు సైనికులు

పారిశుద్ధ్య కార్మికులు

నా దృష్టిలో ఘనులు

చదువు చెప్పు గురువులు