చిత్ర స్పందన : - ఉండ్రాళ్ళ రాజేశం

 *మత్తకోకిల*
రేగు పండ్లను దెంప బాలలు రేషమందున దుంకుతూ
సాగుతుండెను తోవలందున సందు జూసియు చేతులన్
వేగమందున లోన పెట్టియు పిందే కాయలు పట్టగన్
వంగినిల్చియు ముండ్లకంపల పక్కకొంచుము జాగ్రతన్

*కందం*
ముండ్లను కలిగిన చెట్టున
కండ్లకు రేగు కనిపించి కదిలెను చేతుల్
పండ్లను దులుపుతు జేబులు
నిండిన మనసంత హాయి  నిల్చియు పరుగుల్

*ఆటవెలది*
ముండ్ల చెట్టునందు మురిపించు రేగులు
తెంపి తినిన కాయ తీపివగరు
పండ్లు మధురిమందు పలుకుల దవడలు
గోరువోయి పండ్లు గిర్రుమనును