చిత్ర స్పందన : -ఉండ్రాళ్ళ రాజేశం

*సీస పద్యం*

వేకువ జామున వెళ్ళుతు రైతులు

పంటల సాగుకు పనులు జేయ

చలిపులిని మరచి సక్కగ తిరుగుతు

గోదల పేడలు గూడితీసి

హద్దుల చుట్టుయు యంగలు వేయుచు

గడ్డిమోపులనెత్తి కదిలిసాగి

దొడ్డిన పచ్చిక దూడల కేసియు

పాలతో యింటికి పరుగులెట్టి

*ఆటవెలది పద్యం*

వాడికిండ్లనందు వరుసగా పోసియు

ఇల్లు జేరినంత యింతికాచి

పాల మీగడందు పిల్లల మీసాలు

చలిని మరచిపోయి సాగుదినము

*కందం పద్యం*

మంటలు కొరకై జనులున్

వెంటన కర్రలను తెచ్చి వేగిరమందున్

జంటగ దుప్పట్లందున

పెట్టన పుల్లలను గీసి వేడిని పంచేన్

*తేటగీతి పద్యం*

చలిపులియనిన మగువలు సాన్పుచల్లి

సకల పనులను నేర్పుగ చక్కదిద్ది

వంట వార్పులందున సాగి వణకకుండ

చలిని ప్రారదోలును స్త్రీలు సకలముగను