అతడు ఆదర్శం అనుకున్నాం అంతా
నిదర్శనంగా ఉంటాడు
అనుకున్నాం కొంత
అలా ఆలోచించి వేశామంత ఓట్లు
ఇప్పుడు పడుతున్నాము ఎన్నో పాట్లు !
పాలిచ్చే గేదెను వదిలిపెట్టి
కాలిచ్చే దున్నకు పట్టం కట్టి
దూరమైతిమి మా ఇష్టాలకు
చేరువైతిమి ఇక మాకష్టాలకు !
కొనుక్కున్న మా భూమి పాయే
కట్టుకున్న మాఇల్లు కూడా పాయే
రైతు బంధు ఇక లేకుండా పాయే
మా బ్రతుకంతా ఆగమాగమాయే !
ఇదేమి పాలన ఇదేమి పాలన
ఆలన పాలన మరిచిన పాలన
కొలువులు లేక కూలిన పాలన
నెలవులు లేని తప్పుడు పాలన !
ఆరు గ్యారెంటీలకు పట్టే దుర్గతి
ఆ వైపు పాలకులకు లేదు మతి
ప్రజలకు కలిగెనుగా ఇక ఆపతి
ప్రభుతైనా చూపాలిగా సింపతి !
గత ప్రభుత్వం చేసెను అప్పులు
ఈ ప్రభుతకు కలిగెనుగా తిప్పలు
అని చెప్పుకుంటున్నరు పాలకులు
కని పరిపాలించలేక నేటి ఏలికలు!
ఏది ఏమైనా ప్రజలకు కల్గె ముప్పు
అని చాటింపుకు కొట్టాలిరా డప్పు
మళ్లీ చేయొద్దురా ఇలాంటి తప్పు
వెళ్లి అందరికీ తప్పక నీవిక చెప్పు !
addComments
కామెంట్ను పోస్ట్ చేయండి