మేలుకొలుపులు : -డాక్టర్ అడిగొప్పుల సదయ్య

09.

రేడు కుంకెను తెల్లవారెను రేగె మిత్రుడు తూర్పునన్ 

మోడుబారిన బీడు బెర్గిన మోదుగాకుల దొన్నెలో 

కూడి దాగిన మంచుగడ్డలు కూలి నీరయె,మాధవా!

మేడకుండ్లము మమ్ము గాయగ మేలుకో ధరనేలుకో!

నిఘంటువు:

కుంకెను= అస్తమించెను

రేగె= పైకెగిసెను

మిత్రుడు= సూర్యుడు 

మేడకుండ్లము = అమాయకులము 

కాయగ= కాపాడుటకు

10.

మంచు మాటులు వీగిపోయెను మందసానుడు మీఱగా,

పంచవన్నెల రామచిల్కలు పందిరిళ్ళను మూగగా,

కంచు గంటలు మోగె గోవెల గంజలోచన! వింటివా?

ఎంచ నెవ్వరు నీకు సాటిల? మేలుకో ధరనేలుకో!

==========================

నిఘంటువు:

మాటులు= మరుగు తెరలు

మందసానుడు=సూర్యుడు 

మీఱగా=ఉదయించగా/పుట్టగా

కంజలోచనుడు=విష్ణువు 

ఎంచన్ = లెక్కించగా

-----------------------------------

డాక్టర్ అడిగొప్పుల సదయ్య 

వ్యవస్థాపక అధ్యక్షుడు 

మహతీ సాహితీ కవిసంగమం 

కరీంనగరం

9963991125