సుప్రభాత కవిత : - బృంద

ఎద కోరే మధు సీమలనుండి

వ్యధ తీరే తీయని కబురు

సుధలూరే  మెత్తని పొట్లంగా

తెస్తున్న వేకువ బండి

లోకానికి కొత్త వెలుగులద్ది

నాకానికి చేరువ చేస్తానంటూ 

శోకాలుండని క్షణాలు నింపి

మనకోసం తెస్తున్న వెలుగుల బండి

హరివిల్లు వర్ణాలున్న

విరిజల్లుల  ముంచేస్తూ 

దరి కొచ్చే సంతోషాన 

మరి మరి ఊరిస్తూ...

మరచిన కలలను సైతం 

మమకారంగా దాచి 

మాయగా దోసిట నింపి 

మనసుకు పండుగ తెస్తూ

వెతలన్నీ ఇక గతాలేనంటూ 

కథలన్నీ మలుపులు తిప్పి

బ్రతుకును బంగారు బాటగా

కొరత లేక మలిచేస్తానని...

కలిమి అంటే ఇక నీదేనని

కలలన్ని తీరే క్షణాలు మొదలని

మేలిమి వన్నెల నిజాన్ని 

చెలిమితో చెవిలో చెప్పాలని వచ్చే

విలువైన వేకువకు

🌸🌸సుప్రభాతం🌸🌸