ముందడుగే విజయానికి సోపానం:- కవిమిత్ర, సాహిత్యరత్న-ఆచార్య అయ్యలసోమయాజుల ప్రసాద్(పుష్యమి) -విశాఖపట్నం.

యాంత్రిక జీవనంలో

సమస్యల వలయంలో

ఆదరక బెదరక

గడిచిన జీవితం నేర్పిన పాఠంతో

ఆత్మవిశ్వాసం, దృఢ సంకల్పంతో

నూతన సంవత్సరంలో

యుక్తాయుక్త విచక్షణతో

ముందడుగు వేసి

అవరోధాలు ఎన్ని ఎదురైన

లక్ష్యం వైపు పయనిస్తే

విజయం నీ దరి తప్పక చేరుతుందన్న

భారతరత్న డాక్టర్ ఆబుల్ కలాం స్వామి వివేకానంద వంటి

మహనీయుల అడుగుజాడల్లో నడుద్దాం.

అనురాగ, ఆప్యాయతలతో

శాంతి, అహింసలే జీవిత సాఫల్యతకు కారణమని

ఆచరించినా

అవినీతి అరాచకాలను ఎదురించే

అల్లూరి, భగత్ సింగ్ లా ప్రవర్తిద్దాం.

మానవత్వమే మాధవత్వమని

ఆర్తితో వచ్చిన వారికి అండగా నిలబడి

మానవజన్మను సార్థకత చేసుకుందుకు అడుగువేద్దాం

వసుదైకానికే ఆదర్శంగా నిలుద్దాం......!

..............................