జీవితమే ఒక స్వప్నం:- అయ్యలసోమయాజుల ప్రసాద్-(పుష్యమి) -విశాఖపట్నం

బాల్యంలో  డాబా మీద పడుక్కుని

పున్నమి వెన్నెల  తారలను చూసి

మనసు పడ్డాను అంతరిక్ష పరిశోధన చేయాలని

డిగ్రీ చదువులో నే తండ్రి మరణంతో గుమస్తాగా

మారెను...!!

కులమత భేధాలు వర్ణవివక్షతలకు,స్త్రీ జనోద్ధరణకోసం పోరాడిన

కందుకూరి, వావిలాల,దుర్గాబాయ్

అడుగు జాడల్లో నడవలనుకున్నా

సంసార భాద్యతలతో సతమతమవుతు

స్వంత ఇంట్లో మనుషులనే మార్చలేక ఛతికిల బడ్డాను.!!

నేను చదువును మధ్యలో ఆపేసినా

కన్నకొడుకు ఉన్నతంగా చదవాలని మనసుపడి

ఇంజనీరింగ్ లో చేర్పించాను.

విప్లవమే  ధ్యేయంగా  మధ్యలో చదువు మాని

ప్రజాపోరాటంలో 

పోలీసుల బులెట్ కి బలి అయినపుడు పడిన భాధ వర్ణనాతీతం....!!

వృద్ధాప్యంలో  మనసు పడ్డా

కంటికి రెప్పలా కష్టసుఖాలలో

తోడు నీడగా ఉండే భార్యకన్నా ముందే పరమాత్ముని చెంత చేరాలని  

విధి బలీయం నాకన్నా ముందే  మనసున మనసై

జీవించిన భార్య అర్ధాంతరంగా నన్ను శాశ్వతంగా వదలిన సమయాన మనసన్నదే మూగ బోయింది....!!

................................