జీవుల సంజీవిని మా వాన:- గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి

వాన వాన ఓ మా వానా

మాపై కురిసేది ఇక నీవేనా

చినుకు చినుకుగా వస్తావు

చిటపట దరువులు వేస్తావు !

జలజల కురుస్తూ నీవు వస్తావు

జలరాసులను మాకు అందిస్తావు

చెరువులు దొరువులు నింపేస్తావు

గలగల పారుతూ ఇక చిందేస్తావు !

వానా వానా ఓ మా వానా

నీవు ఉన్నావు ఆకాశం పైన

మేఘాలతో పడతావులే కుస్తీ

మెరుపులతో చేస్తావులే దోస్తీ !

ఆర్థిగా భూమాతను ప్రేమిస్తావు

దాహార్తిని తీర్చగా పయనిస్తావు

వెళితే లేకుండా నింపేవు కుంటల

ఫలితంగా పండిస్తావులే పంటల !

జీవుల కోసమే నీవు జీవిస్తావు

సంజీవినివై వారిని కరుణిస్తావు

కరుణాసముద్రమే నీ హృదయం

ఎవరికుంటుంది ఈ సహృదయం !

కరువు కాటకాలు ఇకపై ఉండవు 

వాన లేకుండా కడుపులు నిండవు

మా భూముల్లో పంటలు పండవు

సుఖ సంతోషాలు ఇలపై ఉండవు !