గాలి ఓ మా చిరుగాలి:- గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి

గాలి గాలి ఓ చిరుగాలి

పవనాలుగా నీవిక తేలి

నీవస్తావులే మా ఇంటికి

 నచ్చావులే మా కంటికి !

నీ వల్లే మాకు ఊపిరి ఉంది

నీవు లేకుంటే కలుగు ఇబ్బంది

మమ్ము అంటిపెట్టుకొని ఉంటావు

అవునా కాదా  ఇక ఏమంటావు ?

నీ సమాధానం ఇక ఏదైనా

నీవు లేకుండా పోదు పొద్దైనా

ఓ గాలితల్లి మా చిరుగాలి మల్లి

నీవు లేక ప్రాణం ఉండదులే మళ్ళి

చెట్లు ఊగితే నీ ఉనికి తెలుసు

అట్లనే చేయకు నీవిక అలుసు

బొగ్గు పులుసు గాలి నీలో ఉంది

దానితో మాకు కలుగు ఇబ్బంది !

గాలి తల్లి మా చిరుగాలి మల్లి

మమ్ము విడిచి ఉండకు నీ వెళ్లి

నీవు లేకుండా ఉండదు ఏ గల్లి

నీవు వస్తేనే బాగుంటుంది మళ్ళీ !

గాలి తల్లి ఓ చిరుగాలి మల్లి

హోరుగాలితో చేయకు లొల్లి

చల్లగా తగిలితే కలుగు హాయి

మెల్లెగ మది ఉప్పొంగు నోయి !