లాలీజో ఓ పాపా:- గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి.

లాలీజో లాలీజో ఓ మా పాపా

లాలిస్తూ నే నీ ఉయ్యాల ఊపా

హాయిగా నిద్దురపో నీవు ఈరోజు

తియ్యగా తీర్చుకో నీవిక మోజు.  !

చిర నవ్వులు నీవు నవ్వేవు

చిరుజల్లులు నీవిక రువ్వేవు

మాముద్దుల పాపవు నీవమ్మా

నా సుద్దులనే ఇక వినవమ్మా. !స

నీ ముక్కుకు ముక్కెర చేయిస్తా

నే మక్కువతో నిను నే లాలిస్తా

నిత్యం నే ఆటపాటలను ఆడిస్తా

సత్యం ఆ ఆటపాటలకు పడిచస్తా!

 నే చెవికమ్మలు కూడా చేయిస్తా

నీఆట బొమ్మల జాడను తీయిస్తా

నీకు ముత్యమంత ముద్దు పెట్టేస్తా

నేను మాట తప్పని నీపైన ఒట్టేస్తా!

నీ వేళ్ళకు ఉంగరాలు వేయిస్తా

నీ కాళ్లకు గొలుసులు చేయిస్తా

మారం చేయకు నీవు ఓ పాపా

ఆరాం చేయి నే ఊయల ఊపా !

నీకు బొమ్మరిల్లును ఇక కట్టిస్తా

బేకని నేను కుల్లాయిని కుట్టిస్తా

సోకుగా అమ్మతో బొట్టు పెట్టిస్తా

చూసుకునే అద్దం నీతో పట్టిస్తా 

నీ పుట్టినరోజును కూడా జరిపిస్తా

నే పట్టుపరికిణితో నిను మురిపిస్తా

పొద్దు పోయెను ఓ ముద్దుల పాపా

నిద్దురపో నీవు ఉయ్యాల నే ఊపా