మంచి మాటలు వినుకో:- గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి

 అమ్మ పలుకు 
తేనె లొలుకు
కన్నె కులుకు
వన్నె తళుకు !
         అమ్మ పాడు పాట
        తెలుగు ధనం మూట
        నాన్న నడచు బాట
        ఆడు పాడు పూలతోట !
మామ చెప్పు కథలు
తీర్చుగా మన వెతలు
నీరును ఇచ్చు నూతులు
నీవు తీయకు ఇక గోతులు !
          కోకిలమ్మ నల్లన
          గోవు పాలు తెల్లన
          అడుగేయి మెల్లన
          ఏడవకు ఇక గొల్లున !
ముందు ఉంది పండుగ
మందు విందు దండుగ
పున్నమి వెన్నెల నిండుగ
పూసేను పూలు నిండుగ !
         పూలమాల కట్టు
         పూల తోట పెట్టు
         మరిగంటను కొట్టు
         బడి బాటలు పట్టు !
బాలకృష్ణుడు నల్లన
బాలచంద్రుడు తెల్లన
నిమ్మ పండు పుల్లన
తాగి చూస్తే మెల్లన. !
          పూల తోట పెట్టు
          పూలమాల కట్టు
         సున్నం గోడకు కొట్టు
         కన్నం దొంగను పట్టు !
హలం పట్టితే సేద్యం
తాళం వేస్తే వాయిద్యం
దైవానికి  వేస్తే నైవేద్యం
వైద్యుడు చేస్తే వైద్యం. !
        ఇల్లు ఊడ్చేది చీపిరి
       వింటున్నావా ఓ పోరి
       ఎంచుకో మంచి దారి
       నీవేగా ఇక సూత్రధారి !
కలానికి కాగితం దోస్తీ
హలానికి భూగోళం ఆస్తి
హలానికి కలానిక  లింకు
పెట్టి వ్రాయవోయి కవిత
కట్టిపడేయునోయి భవిత !