హైయగ్రీవ స్తోత్రం :- కొప్పరపు తాయారు

శ్లోకం:

    దిశంతు మే దేవ సదా త్వదీయాః

దయాతరంగానుచరాః కటాక్షాః

శ్రోత్రేషు పుంసామమృతంక్షరంతీం

సరస్వతీం సంశ్రితకామధేనుమ్ ॥27॥

భావం:పదార్థం

దిశంతు మే → నాకు ప్రసాదించుగాక

దేవ → ఓ దేవా!

సదా → ఎల్లప్పుడూ

త్వదీయాః కటాక్షాః → నీ దయాసూచక కటాక్షదృష్టులు

దయా తరంగానుచరాః → నీ కరుణాతరంగాల వెంట నడుచుచున్నవి

శ్రోత్రేషు పుంసామ్ → మనుష్యుల చెవులలో

అమృతం క్షరంతీం → అమృతం పొర్లిస్తున్న

సరస్వతీం → జ్ఞానదాయిని సరస్వతీ దేవిని

సంశ్రిత కామధేనుం → కోరికలన్నింటినీ నెరవేర్చే కామధేను వలె

భావం (తెలుగులో)

ఓ దేవా! నీ దయాతరంగాలతో కదిలే నీ కటాక్షదృష్టులు ఎల్లప్పుడూ నాపై ప్రసరిస్తూ ఉండుగాక. అవి మనుష్యుల చెవులలో జ్ఞానామృతాన్ని పొర్లించే సరస్వతీ దేవిలా ఉండి, శరణు పొందిన వారికి కోరికలన్నింటినీ నెరవేర్చే కామధేను వలె కావాలి.

సారాంశం

దేవా! నీ కరుణతో నిండిన దృష్టులు ఎప్పుడూ నాపై ప్రసరించి, అవి సరస్వతీదేవిలా జ్ఞానామృతాన్ని ప్రవహింపజేసి, నా ఆశయాలన్నీ నెరవేర్చుగాక.

             ********