శివుడే రా దేవుడు:- గుర్రాల లక్ష్మారెడ్డి కవి రచయిత-సెల్9491387977 కల్వకుర్తి

శివ శివ శివ నీవు అను

శివనామం వెంటనే విను

శివుడేకదరా నీ దేవుడు

బొందిలో ఉండే జీవుడు  !

శివుడు ఈ మా శివుడు

ఇలలో మా కుల దేవుడు

ఐ మమ్ముల దీవించిండు

వరమును అందించిండు !

ఆ వర ప్రభావము వల్ల

మోక్షము కలిగెను మల్ల

ఇక తొలిగెను మా దైన్యం

మా జన్మ ఆయెను ధన్యం !

మహా భక్తులారా ఇక వినండి

మా కథనే ఉదాహరణ అండి

చేసుకొని ఇక మీరు మారండి

చేరుతారు మీ దివిసీమ కండి !

అచ్చటనే  శివసత్తులు ఉంటారు

ముచ్చటగా నాట్యం చేస్తుంటారు

ఆనందంతో తిలకించవచ్చు మీరు

పరవశంతో తన్మయం చెందుతారు 

ఈ అదృష్టం అందరికీ కలుగదు

ఇక బ్రతుకుల్లో ఉషస్సు మిగలదు

కడగండ్ల కష్టాల కుంపటి వెలగదు

వెలుగునీడల తెర అసలు కలగదు