పండరీపురం పాండురంగ !:- గుర్రాల లక్ష్మారెడ్డి కవి రచయిత.-కల్వకుర్తి.నాగర్.కర్నూల్ జిల్లా

రంగా రంగా  ఓ మా శ్రీరంగా

పండరిపురము పాండురంగా

మము బ్రోవగా నీవు రావంగా

మా జీవనమౌలే పావన గంగా !

                 

               !!  రంగా రంగా మా శ్రీ !!

రంగా రంగా ఓ మా శ్రీరంగా

మా ఇంటిలో నీవు వుండంగా

భక్తితో  హృదయం నిండంగా

పూజలు చేస్తాం బ్రహ్మాండంగా

పండరిపురమేరా  నీ నివాసం

మా మదిలోనే నీ చిర నివాసం

చేసుకుని జీవిస్తున్నాము అంతా

మా కుండదులే ఇక ఏచీకు చింతా

రంగా రంగా ఓ మా శ్రీ రంగా

మా మదిలో నీవు నిండంగా

మాకు ఉండదుగా ఏ భయం

ఉంటుందిగా ఇక నీ అభయం

రంగా రంగా ఓ మా శ్రీ రంగా

పండరి పురమును ఏ లంగా

భక్తుల మదిలో నీవు స్థిరంగా

ఉండి ముక్తిని ఇస్తావ్ శీఘ్రంగా

చంద్రభాగ నది తీర పట్టణం

పండరీపురం ఆయే తక్షణం

వెలిశావుగా కృష్ణుడవై అందు

తెలిసే మేం చేరాం నీ పొందు !

సేవిస్తాం మేం హమేషా నిన్ను

భావిస్తాం మాదైవం నీవే నమ్ము

 భక్తిప్రవాహమందు మముకమ్ము

దీవించుటకై ఇక వేగముగా రమ్ము!