హరితోక్తులు (హితోక్తులు): - అంకాల సోమయ్య -దేవరుప్పుల -జనగామ-9640748497

సంకల్పించుకోవడం

గొప్పకాదు

దానిని 

సాకారం చేసిచూపాలి

నువ్వు ఆత్మీయతనుపంచితే

నీ చుట్టూతుండేది నేస్తాలే

నువ్వు ఆవేశంతో ఊగిపోతే

నీ చుట్టూతందరూశత్రువులే

అక్షరమే ఆయుధం నీకు 

విత్తనమే ప్రాణాధారం జగత్తుకు

విత్తు విరాట్ స్వరూపమే

చెట్టు 

జన్మనిచ్చేది అమ్మ

జగత్తును చూపేదినాన్న

అమ్మ నాన్నలు

ప్రత్యక్ష దైవాలు

అంగవికలులకు

హానితలపెట్టకు

చేయూత నిచ్చి 

చేర్చు బ్రతుకుతీరం

పసితనములో

పిల్లచేష్టలెంతో ముద్దు 

పెద్దైనాక పెద్దరికమే ముద్దు 

ఏ వయస్సుకా సోయి!?

వెదురుతో వెయ్యి లాభాలు 

మురళి సంగీత పరికరం 

బొమ్మలు బుట్టలు తట్టలు

గృహోపకరణాలుగా

జనచైతన్యమే

జగత్తుకు జవంజీవం

అదే లేనినాడు

జగమే గాఢాంథకారం

నీదీ దోపిడీ

 మూలసూత్రమే!

దాతృత్వం నేర్చుకో

ఫలమాశించని చెట్టే నువ్వౌతావు

నీ యోగక్షేమాలకోసమే

బ్రతుకకు

పరోపకారార్ధం ఇదం శరీరం 

అన్న తరువు నీకో దృష్టాంతమవ్వాలి