ప్రేమంటే ఇదేరా!: - నాగవేణి చాగర్లమూడి-చరవాణి: 9908159215

 ప్రేమంటే వయసులో ఉన్న 

ఆడ మగ మధ్య మాత్రమే పుట్టేది కాదు..

ఈ రెండక్షరాల ప్రేమ అభివర్ణించలేని అనిర్వచనీయ విశ్వ భావన..

అనుభూతి చెందితే తప్ప అనుభవంలోకి రాని మనసు పడే మధుర వేదన..

ఈ లోకంలో అనంతమైన ప్రేమ అమ్మానాన్నలది..

అపురూపమైన ప్రేమ ఆలుమగలది..అరుదైన ప్రేమ పిల్లలది..

ప్రతి బంధం లో ప్రేమ, అనుబంధం ప్రేమ..తరచి చూస్తే ప్రకృతిలోని 

ప్రతి అణువణువులో ఉంది తన చిరునామా.. ప్రేమే సత్యం ప్రేమే నిత్యం..

 ప్రపంచానికి  ప్రేమే ప్రాణం.. ప్రేమ దైవ స్వరూపం..

అలాంటి ప్రేమ

రెండు శరీరాల ఆరాటం మాత్రమే కాదు రెండు హృదయాల ఆరాధన

ప్రేమంటే దేహాల దాహా లు తీర్చుకునే దారి కాదు.. 

రెండు దేహాలకి ఒక్కటే ప్రాణమయ్యే  ఊపిరి 

 ప్రేమంటే ఒక్కోసారి పొందడమే కాదు 

పోగొట్టుకోవడం కూడా..

దెగ్గరవ్వడమే కాదు

దూరమవ్వడం కూడా..

ఓడినా గెలిచినా ఒకేలా ఉండాలి..

దూరమున్నా దగ్గరైనా ఒకేలా అనిపించాలి..

ప్రేమలో గెలవడం అంటే ఇద్దరు ఒక్కటవ్వటమే కాదు 

ఒకరికొకరై బ్రతకాలి..ఒక వేళ

విడిపోయినా ఆ ఎడబాటును కూడా 

అంతే ప్రేమగా భరించగలగాలి.

.అసలింతకీ ప్రేమకు ఈ ప్రేమ అనే పేరు 

ఎవరు పెట్టారో తెలియదు గానీ.. 

ఈ ప్రేమకు పరమార్థం మాత్రం

చంపడమో లేక చావడమో కాదు బ్రతకడం..బ్రతికించడం.