సాధన ఓ సాహస క్రీడ..!: - కవిరత్న,-సాహిత్య ధీర-సహస్ర కవి భూషణ్-పోలయ్య కూకట్లపల్లి-అత్తాపూర్ హైదరాబాద్.

భగవంతుని గద్దింపు...

నీ గెలుపుకు సంకేతం...

ఈ జీవితం ఆ పరమాత్మకే అంకితం...

నిప్పులపై నడక...

పాము పడగల కింద నిద్ర...

ఈ జీవితంలో అన్నీ అగ్నిపరీక్షలే... 

అడుగడుగునా గండాలే అగ్నిగుండాలే...

తగిలే ప్రతి దెబ్బ...

తర్ఫీదునిచ్చే ఓ గుణపాఠం...

ఈ జీవితం మానని గాయాలమయం...

సమస్యల సర్పాలు...

నీ ధైర్యానికి పడగలు...

ఈ జీవితం ఒక సమరం ఒక సంబరం...

నేడు స్పృశిస్తే మట్టి...

అది రేపటి బంగారు తొట్టి...

ఈ జీవితం ఒక వైరాగ్యం ఒక వైభోగం...

కత్తుల బోను...

నీ కండ బలానికి పరీక్ష..‌

ఈ జీవితం ఒక విశ్వాసం ఒక వీరత్వం...

నేటి ముళ్ళ కంచే...

రేపటి పూలబాటకి నాంది...

ఈ జీవితం ఒక సాహసం ఒక సంకల్పం...

నేటి ఈ కన్నీటి కష్టాలన్నీ...

రేపు కురిసే కోటివరాల వర్షం కోసమే...

ఈ జీవితం ఒక వరం...ఒక సంబరం...

నిన్న అందక‌ ఊరించిన ద్రాక్ష...

నేడు నీచేతిలో జారిన జామపండు...

ఈ జీవితంలో వీరులకేదక్కు విజయాలు..

నిన్న చేరాలనికున్న

ఆ ఉన్నత శిఖరం...

నేడు నీ పాదాల చెంతే...

ఈ జీవితంలో లక్ష్యసాధన ఓ సాహసక్రీడ..

కష్టాల 'కట్టె'ల్ని కాల్చెయ్...

ఓటమిని 'కొట్టి' పారెయ్...

విజయ సంపదను ఇంటికి 'తెచ్చె'య్!

ఈ జీవితానికిదే కదా ముత్యాలమూట...