వరమే... శా ప మా యె! : - కోరాడ నరసింహా రావు

చిరతా - బిల్లా.... 

 ఏ డు పెంకులు.... 

  జోర్ బాల్.... 

    దాగుడు మూతలు..! 

ఎన్నెన్ని....బాల్యపు ఆటలు గుర్తొస్తున్నాయి 

  ఈ గిర గిరా తిరిగే... బొంగరాన్ని చూస్తుంటే...! 

ఈ తిరుగుతున్న బొంగరం 

  నన్ను నా బాల్యం లోనికి తిప్పుకు పోయింది....! 

  

కబాడ్డీ... కొక్కో...కుప్పి గంతులు...గోళి కాయలు

  ఈ ఆట లన్నీ ఏవీ... 

 నేటి బాల్యానికి....!? 

కలిమి- లేములు మరచి

 ఆకలి - దప్పులుగుర్తుకు రాక.... బాల లందరూ కలిసి ఆనందించే ఆ ఆటలు... 

ఈ బాల్యాని కేవీ..!?!? 

ఆటలతో ఆనందము... 

   ఆ ఆటలతోనే ఆరోగ్యం 

 ఏ దీ... ఈ బాల్యానికి ?! 

ఆ ఆరోగ్యం - ఆనందం అన్నీ అప్పటి మా బాల్యానికే సొంతం...!! 

రేంకుల రేసులో... 

 కాన్వెంట్ కార్ఖానాల్లో... 

  బాల శ్రామికులుగా... 

 మారి పోయింది ....

 నేటి బాల్యం....!! 

అయ్యో... జీవితానికే వరమైన బాల్యం ... 

 శాపంగా మారిపోయింది! 

ఇదేమి దు స్థి తి...!! 

  ******