వారు గంగానదితీరమునగల శృంగబేరికి చేరుట : - ఎడ్ల లక్ష్మి -సిద్దిపేట

ఆ పవిత్ర గంగానది సమీపమున చూడగా 

ఋషులఆశ్రమములు యుండును 

ఆ నదితీరమున స్నాన ఘట్టములలో

అప్సరసలు జలక్రీడలు సలుపెదెరు 

ఆ నది తీరమున దేవతలు విహరించెదరు. 

అనువుగా చక్కని క్రీడాపర్వతములు 

రమ్యమైన ఉద్యానవనములు 

ఆ నది దివ్యపద్మములతో విలసిల్లు చుండెను 

దేవతల కొరకై ఆకాశమున ప్రవహించే 

"ఆకాశగంగ" గా ఆ గంగ వాసిగాంచెను 

ఆ గంగానదిజలపాతముల శబ్దములు

మిక్కిలి భయము గొలుపుచుండెను

ఆ నది కొన్నిచోట్ల గంభీరముగా 

కొన్నిచోట్ల ఉవెత్తుతరంగములతో 

వేగముగను ప్రవహించుచుండెను 

ఆ నదితరంగధ్వనులు మృదంగనాదములను 

తలపింపచేయుచూ ప్రవహించును 

కొన్నిచోట్ల ఆ నది పిడుగులు పడినట్లు 

భయంకరమైన ధ్వనులను కావించును

ఆ నది ఇసుకతిన్నెలతో విలసిల్లుచుండెను