103వ సర్గ : - ఎడ్ల లక్ష్మి -సిద్దిపేట

కౌసల్యాదేవి వసిష్టునితో  చిత్రకూటమునందలి ఆశ్రమమునకు చేరుట

వసిష్టమహర్షి దశరథమహారాజుసతులను 

తీసుకొని శ్రీరాముని దర్శించుటకై 

పర్ణశాలప్రదేశమునకు వచ్చుచుండెను.

కౌసల్యాదేవి ముఖము వాడిపోయి యుండెను.

ఓ సుమిత్రా! మన పుత్రులు రామలక్ష్మణులు 

ఎన్నడూ ఎవరికి ఏమి హాని చేయలేదు 

అట్టివారు రాజ్యము నుండి వెళ్ళగొట్టబడిరి 

అనాధలవలె కాలము గడుపు చుండిరి. 

నీ కుమారుడు లక్ష్మణుడు రాముని సేవకై

ఎన్నో కష్టములనోర్చుతూ ఈ వనమున 

ఆకలి దప్పికలకోర్చి వారికి రక్షణగా ఉంటూ

వారితో పాటు కందములను భుజిస్తున్నాడు

కౌసల్య, సుమిత్రతో గూడి వెళ్తుంటే

ఆ నది తీరమున భూమిపై దర్భలపైన 

శ్రీరాముడు పితృ కార్యములపై యుంచిన 

గారపిండి పిండములను కౌసల్య జూసి

అప్పుడు ఆమె దశరథ సతులతో ఇలా అంటుంది 

సోదరీమణులారా! ఇక్ష్వాకువంశప్రభువైన 

మహాత్ముడగు దశరథుని కొరకు ఇచ్చట 

శ్రీరాముడు సమర్పించిన పిండములివి దర్శింపుడు .