హేటెడ్ కమ్యూనిటీ- గేటెడ్ కమ్యూనిటీ: - అంకాల సోమయ్య -దేవరుప్పుల -జనగామ-9640748497

అన్నీ EMI బ్రతుకులే 

నెల తిరిగే సరికి 

ఖర్చులన్నీ పోను

చేతిలో చిల్లిగవ్వలేనితనం

సామాజిక అంతస్తుకై

వెంపర్లాటలు 

గొర్రె తోక బెత్తెడు జీతం 

ఆశమో బారెడు 

ఆస్తేమో మూరెడు 

వస్తువులను ప్రేమించే వ్యక్తులే

చుట్టూతా 

ప్రేమానురాగాలు 

మంచి మానవత్వం 

నిషేధపు పదాలు 

గేటెడ్ కమ్యూనిటీలు

చీమదూరే సందుగూడాలేని

కట్టుదిట్టమైన భద్రత 

ఫోనులు

ల్యాప్ టాప్ లు

రిమోట్ లే

నిత్యసహవాసగాళ్ళు

ఎదురుగా ఉన్నోళ్లతో కూడా 

మాట్లాడలేని పోష్ కమ్యూనిటీ 

ఇవి పాలరాతి భవంతులా కాదు కాదు 

ప్రేమ చచ్చిన ప్రేతాత్మలగూళ్ళు

పుట్టుక ఒక్కటే

మరణం ఒక్కటే

నడమంత్రపు సిరితో

నయగారాలు

దూరాలు 

అంతరాలు 

ఎగుడు దిగుడు 

డబ్బు దర్పాలు

అహంతో ఊరేగడాలు 

ఎవడైనా రేపు చస్తే

వాడిని శవమనే అంటారు 

అందమైన పేరుపెట్టి ఎవడూ పిలవడు