జీవితంలో శాంతి: - యామిజాల జగదీశ్

 ఈ రోజు మనసు ముక్కలై, తట్టుకోలేని బాధలో ఉన్న వారి కోసం... 
లోకం దృష్టికి మనం ఒంటరిగా కనిపిస్తూ ఉండవచ్చు...
వారు చూసేది మన కళ్లలో తిరిగే నీటి బొట్లు మాత్రమే.
కానీ, ఆ కన్నీటి ప్రతి బొట్టులో కరిగివున్నది కేవలం బాధ మాత్రమే కాదు...
మన ప్రియమైన కృష్ణునిపై ఆత్మకు ఉన్న అమితమైన భక్తి, అపారమైన ప్రేమ అని ఆ నల్లనయ్యకు తెలుసు. 
జీవితంలో కొన్ని క్షణాలు...
మాటలు మూగబోయే క్షణాలు...
గుండె మోస్తున్న భారాలను ఎవరితోనూ పంచుకోలేక, మనం నలిగిపోయే ఆ ఒంటరి రాత్రులు...
అక్కడ, ఎవరూ వినకపోయినా మనం ఏడుస్తూ చేసే ఆ మౌన ప్రార్థనలు, ఆ విశ్వనాథుని చెవులకు నిశ్చయంగా చేరుతాయి. 
భయమనే చీకటిలో మనం కృంగిపోయినా, 
ఆయన పాదాలను మాత్రమే ఆశ్రయించే ఆ అచంచలమైన నమ్మకాన్ని, 
ఆయన తన అపారమైన దయతో ఆదుకుంటాడు.
రాధ హృదయాల్లో పొంగిపొర్లిన అటువంటి పవిత్రమైన భక్తి… 
మీరా గుండెల్లో ఉప్పొంగిన అటువంటి కృష్ణుని ప్రేమ… 
ఈ రోజు మీ బాధతో తల్లడిల్లే కళ్లలోనూ నిండివుంది! 
మీ కన్నీటి బొట్లు, ఆయన పాదాలకు మీరు అర్పించే పూలు.
అంత ప్రేమతో మీరు ఆయన నామాన్ని తలుచుకున్నప్పుడు, ఆ కరుణ మీ ఆత్మను మృదువుగా అల్లుకుంటుంది. 
మీరు ముందుకు వెళ్తున్నారు…
ఆ దివ్య పాదాలపై తలవాల్చి, మీ మనసులోని బరువునంతా కన్నీరుగా మార్చి తుడిచేసుకోండి.
మీ ఆత్మలోని అపరిమితమైన ప్రేమను చూసి, మీ కళ్లలో నిలిచిన కన్నీటిని తుడవడానికి, నెమలిపింఛం ధరించిన ఆ కృష్ణుడు మీ పక్కనే ఉన్నాడు. ఉంటాడు.
సమస్తాన్ని ఆయన పాదాలకే సమర్పిద్దాం...
మన దిగులును, కన్నీటిని, భయాలను, ఆశలను...
"కృష్ణా... అంతా నీతో పాదాల చెంతే" అని అప్పగించేద్దాం.
ఆయన తప్పకుండా మీ జీవితంలో శాంతి అనే వసంతాన్ని పూయిస్తాడు.