108 (2): - ఎడ్ల లక్ష్మి -\సిద్దిపేట

ఓ రాజకుమారా! స్వర్గమున దేవేంద్రునివలె 

అయోధ్యలో నీవు దివ్య భోగములను 

అనుభవించుచు హాయిగా విహరించుము

నేను చెప్పిన విధనముగా చేయుము 

ఈ లోకమున జనులు అష్టకాశ్రాద్ధములను

ఆర్థిక శ్రాద్ధములను నిర్వహించినచో 

అది పితృదేవతలకు చెందునని నమ్మెదరు

ఆ అన్నము ఇచ్చటనే నశించును గదా!

శ్రీరామా! ఈ గ్రంథముల గూర్చి దెలిపెద వినుము

దేవతలను ఆరాధింపుము, దానములు చేయుము,

యజ్ఞములను నిర్వహింపుము,

ఇల్లు వాకిలి వదిలి సన్యాసము స్వీకరింపుము, 

ఈ విషయములతో కూడిన గ్రంథము 

ఇతరుల సంపదలను అపహరించుటలో 

ఆరితేరిన వారు జనుల మనస్సును 

దానధర్మంల వైపు మళ్లించుటకై రచించిరి.

ఓ బుద్ధిశాలీ! తండ్రి మాటను విశ్వసించే నీవు 

ఈ లోకము తప్ప మరొక లోకము లేదని నమ్ముము

ఓ రామా! ఈ లోక సుఖములే వాస్తవములు 

భరతుని మాటవిని కోసల రాజ్యమును గ్రహింపుము.

====================================

అయోధ్యకాండమందు 108వ సర్గ సమాప్తము.🙏🏻