116వ సర్గ : - ఎడ్ల లక్ష్మి -సిద్దిపేట.

ఋషులందరును కులపతితో గూడి చిత్రకూటమును వీడి వెళ్ళుట 

భరతుడు అయోధ్యకు వెళ్ళిన పిమ్మట 

శ్రీరాముడు కొంతకాలము ఆ వనములోనే 

నివసించుచుండెను అచట తాపసులు 

వేరే ప్రదేశమునకు వెళ్ళుటకు నిశ్చయించుకునిరి

ఆ విషయము శ్రీరామునికి చెప్పుటకై 

ఆ మహర్షులు భయపడుచున్నారు 

శ్రీరాముడు వారిలోని ఉత్కంఠను గమనించి 

ఒక మహర్షి వద్దకు వెళ్లి ఇలా అంటాడు 

ఓ మహర్షీ నావల్ల ఏదైనా దోషము జరిగినదా?

లక్ష్మణుని ద్వారా ఏమైనా తప్పు దొర్లేనా?

సీత వలన ఏ పొరపాటు వాటిల్లలేదుగదా ?

మీరు నాతో భయపడకుండా తెల్పుడు. 

వయసున వృద్ధుడును దీర్ఘకాలము 

తాప మొనర్చినవాడైన ఆ మహర్షి 

శ్రీరాముడు పలికిన మాటలు విని 

ఆ మహర్షి వణుకుచు ఇట్లు వచించెను 

నాయనా! రామా! సీతాదేవి పవిత్రురాలు. 

శుభములను గూర్చుటలో నిరతురాలు. 

ఆ సాధ్వివలన ధర్మలోపము అసంభవము.

ఆమెచేసే సేవలో ఏ లోపము జరగలేదు.