71వ సర్గ : ( 2 ): - ఎడ్ల లక్ష్మి


ఓ కబంధుడా! మేము లేని సమయమందు 
రావణుడు సీతాదేవిని అపహరించినాడు
సీత ఏడబాటుతోనేను దుఃఖితుడనైతిని
ఆమె జాడకై నీవు సహాయపడుము 

ఓ రామా! ప్రస్తుతము నాకు దివ్య జ్ఞానం లేదు 
సీతాదేవి గూర్చి నేను ఏమి యెరుగను 
మీరగ్ని సంస్కారములను చేయుటచే
నిజ రూపమును పొంది ఆమె గూర్చి తెలుపెదను 

ఓ ప్రభూ! దహన సంస్కారముతో 
నా నిజరూపమును పొందునంతవరకు
ఆమెనపహరించిన రాక్షసుని గూర్చియు 
తెలుసుకొనగల శక్తి నాకు లేదు

సూర్య భగవానుడు అస్తమించక ముందే 
ఓ రఘువీరా! ఇప్పుడే పెద్ద గోతిలో వేసి
నన్ను పూర్తిగా దగ్ధమొనర్చి పిమ్మట 
నేనెరిగినంతవరకు మీకు తెలుపగలను. 

న్యాయానికి కట్టుబడి యుండు వానితో 
మీరు స్నేహం చేయవలసియున్నది 
తన పరాక్రమముతో మీకు తోడ్పడగలడు 
అతనికీ మూల్లోకములలో తెలియనిది లేదు.

------------------------------------------------------------

అరణ్యకాండమందు 71 వ సర్గ సమాప్తము.🙏🏻
కామెంట్‌లు