దివ్య స్వరూపమును పొందిన కబంధుడు ఋశ్యముఖ పర్వతమున నివసించే
సుగ్రీవుని కడకు వెళ్లే మార్గమును రామలక్ష్మణులకు దెలుపుట
దారిలో పలు రకముల చెట్లు యుండును
ఓ లక్ష్మణా! ఆ వనమును దాటిన పిదప
మీకు చక్కని వనము కనిపించును
ఓ రామా! అచ్చట మీరు విహరించినప్పుడు
పూలతో వికసించి ఉండే చెట్లను చూడగా
నీ మనసు ప్రశాంతముగా యుండును
ఆ పుష్పములు ఎప్పుడు కూడా వాడవు
అచట మతంగమహర్షి ఉంటాడు
అతడే ఆశ్రమమును నిర్మించుటవలన
ఆశ్రమమునకు ఏ మృగములు చేరవు
అది మతంగవనమని ప్రసిద్ధి గాంచెను.
పంపాసరోవరమునకు తూర్పున
ఋష్యమూకపర్వతము గలదు
ఆ పర్వతముపై నిదిరించిన వానికి
నిద్రలో వచ్చే స్వప్నములు నిజమగును
ఆ ఋశ్యముఖపర్వతము మీద ఒక గుహ కలదు
దాని ద్వారము శిలలచే కప్పబడి యుండును
అందు ప్రవేశించుటకు చాలా కష్టము
ఆ గుహ తూర్పుభాగమున చల్లని నీరు యుండును.

addComments
కామెంట్ను పోస్ట్ చేయండి